ఏకాంతస్థలము కోరుము | Yekaantha Sthalamu | Bible Mission Song Lyrics | Telugu Christian Song Lyrics | Download Song Lyrics
ఏకాంతస్థలము కోరుము
ఏకాంతస్థలము కోరుము – దేవుని ప్రార్ధింప –
ఏకాంత స్థలము చేరుము ఏకాంత స్థలము చేరి –
మోకాళ్ళ మీదవుండి లోకాశలను మదికి రాకుండ చూచుకొనుము || ఏకాంత ||
ఊహలోని పాపములను - ఒప్పుకొనుము తండ్రి యెదుట
దేహము లోకలకవియె - దిగును నిన్ను బాధ పెట్టును || ఏకాంత ||
మాటలందలి పాపములను - మన్నించుమని వేడుకొనుము
ఆటపాటలందు మాట - లాడుటయు నేరంబులగును || ఏకాంత ||
పాపక్రియలు అతి దుఃఖముతో - ప్రభుని యెదుట ఒప్పుకొనుము
పాపము మరల చేయనట్టి - ప్రయత్నంబుల్‌ చేయవలెను || ఏకాంత ||
నిన్ను మరల సిలువవేసి - యున్న పాప జీవినయ్యో
నన్ను క్షమియించుమని యన్న - నరులు మారువారు || ఏకాంత ||
చెడుగుమాని మంచి పనులు - చేయకున్న పాపమగును
పడియు లేవకున్న గొప్ప - పాపమగును పాపమగును || ఏకాంత ||
దేవా! నాకు కనబడుమన్న - దేవ దర్శనమగును నీకు
పావనంబగు రూపము చూచి - బహుగా సంతోషించగలవు || ఏకాంత ||
దేవా! మాటలాడుమన్న - దేవ వాక్కు వినబడు నీకు
నీవు అడిగిన ప్రశ్నలకెల్ల - నిజము తెలియనగును నీకు || ఏకాంత ||
ఎప్పుడు చెడుగు నీలోనికి - ఎగిరి వచ్చునో అప్పుడే
అప్పుడే నరక మార్గమందు - అడుగు బ్టెిన వాడవగుదువు || ఏకాంత ||
కష్టాల మేఘముల వెనుక - కలడు నీతి సూర్యుడు క్రీస్తు
దృష్టించు చున్నాడు నిన్ను - దిగులుపడకు దిగులుపడకు || ఏకాంత ||
నరలోక పాపాలు చూడు - నరకమునకు నిను దిగలాగు
పరలోకము వైపు చూడు - పైకి నిన్ను ఎత్తుచుండు || ఏకాంత ||