దైవాత్మ రమ్ము - నా తనువున వ్రాలుము | Daivatma rammu na thanuvuna vralumu | Telugu Christian Songs Lyrics | Bible Mission
దైవాత్మ రమ్ము - నా తనువున వ్రాలుము
దైవాత్మ రమ్ము - నా తనువున వ్రాలుము - నా =
జీవమంతయు నీతో నిండ - జేరి వసింపుము ((దైవాత్మ))
1. స్వంత బుద్ధితోను - యేసు ప్రభుని నెరుగలేను - నే
= నెంతగ నాలోచించిన విభుని - నెఱిగి చూడ లేను
((దైవాత్మ))
2. స్వంత శక్తితోను - యేసు - స్వామి జేరలేను - నే =
నెంత నడచిన ప్రభుని కలిసికొని - చెంత జేరలేను
((దైవాత్మ))
3. పాప స్థలము నుండి - నీ సువార్త కడకు నన్ను -
భువి - నో = పరమాత్మ నడుపుచుండుము -
ఉత్తమ స్థలమునకు
((దైవాత్మ))
4. పాపములో మరల - నన్ను పడకుండగ జేసి - ఆ =
నీ పరిశుద్ధమైన రెక్కల - నీడను కాపాడు
((దైవాత్మ))
5. పరిశుద్ధుని జేసి - నీ వరములు దయచేసి - నీ =
పరిశుద్ధ సన్నిధిని జూపుమ - పావురమా వినుమా
((దైవాత్మ))
6. తెలివిని గలిగించు - నన్ను దివ్వెగ వెలిగించు - నీ =
కలిగిన భాగ్యము లన్నిటిని నా - కంటికి జూపించు
((దైవాత్మ))
7. నన్నును భక్తులను - యే నాడును కృపతోను - నిల
= మన్నించుము మా పాప రాసులను - మాపివేయు దేవా
((దైవాత్మ))
8. వందనములు నీకు - శుభ - వందనములు నీకు -
ఆ = నందముతో కూడిన నా హృదయ వందనములు నీకు
((దైవాత్మ))